نیپال نے کمال کردیا، اب تک کرونا کے کتنے کیسز رپورٹ ہوئے ؟ پوری دنیا ہکا بکا رہ گئی

کھٹمنڈو (سید نیوز آن لائن) کرونا وائرس کے پھیلاﺅ کے باعث دنیا کے تمام ممالک میں افراتفری کا عالم ہے لیکن ایسے میں نیپال میں اس کا صرف ایک کیس سامنے آیا ہے اور وہ بھی صحتیاب ہو کر گھر جاچکا ہے.

امریکہ کی جان ہوپکنز یونیورسٹی کے مطابق نیپال کرونا وائرس کے حوالے سے محفوظ ترین ممالک میں سے ایک ہے، بہت کم ممالک ایسے ہیں جہاں کرونا وائرس کا صرف ایک ایک کیس رپورٹ ہوا ہے اور نیپال میں بھی کرونا وائرس کا اب تک صرف ایک ہی کیس رپورٹ ہوا ہے اور وہ بھی صحتیاب ہو کر گھر کو جاچکا ہے.

دوسری جانب کرونا وائرس کا صرف ایک کیس رپورٹ ہونے کے باوجود نیپال نے 23 مارچ سے ملک میں لاک ڈاﺅن کا فیصلہ کیا ہے۔ نیپالی وزیر اعظم نے کہا ہے کہ ملک کے اندر لمبے روٹ پر چلنے والی گاڑیاں 23 مارچ سے تاحکم ثانی بند رہیں گی ، پبلک اور پرائیویٹ سیکٹر کی جانب سے فراہم کی جانے والی غیر ضروری سروسز کو بھی معطل کردیا گیا ہے۔ 22 مارچ سے 31 مارچ تک ملک میں انٹرنیشنل فلائٹ آپریشنز بھی روک دیے جائیں گے.